მონაცემთა სტრატეგია

მონაცემთა მართვის სტრატეგია არის მონაცემთა შეგროვების, დამუშავების და შენახვის პოლიტიკა და წესები, რომელიც ეხმარება კომპანიას მონაცემებზე დაყრდნობით სწორი გადაწყვეტილებების მიღებაში. მონაცემთა სტრატეგია პასუხობს ანალიტიკურ ამოცანებს, რომელიც შესაბამისობაშია კომპანიის საქმიანობის სპეციფიკასთან და მისი განვითარების სტრატეგიასთან. რაც მეტი მონაცემი აქვს ორგანიზაციას, მით მეტი ანალიტიკის წარმოება და სარგებლის მიღება შეუძლია, თუმცა ამასთან უფრო რთული ხდება მათი მოვლა და დგება მონაცემთა მართვის სტრატეგიის შემუშავების საჭიროება.

სტრატეგიის შედგენამდე ტარდება ინტერვიუები და ვორქშოპები, რის საფუძველზეც იქმნება და მტკიცდება ფორმალური სტრატეგიის დოკუმენტი შემდეგი შინაარსით:

1. კომპანიის სტრატეგიული მიზნები
2. კომპანიის ანალიტიკური მიზნები
3. მონაცემთა მართვის ტექნოლოგია და არქიტექტურა
4. მონაცემთა ანალიტიკის და რეპრეზენტირების მეთოდოლოგია
5. სისტემის შემდგომი მართვის პროცესი და ადამიანური რესურსები
6. მონაცემთა განკარგვის წესები და ინსტრუმენტები (Data governance)
7. სისტემის დანერგვის გეგმა (Roadmap). 

სამუშაო პროცესში, სხვადასხვა ეტაპზე მონაწილეობას იღებს დამკვეთი კომპანიის ბიზნეს მიმართულებების, ფუნქციონალური განყოფილებების ხელმძღვანელები, ბიზნეს ანალიტიკოსები, ტექნოლოგიური სამსახურის თანამშრომლები.

მონაცემთა მართვის სტრატეგიის რეალიზებით ხდება ადამიანური რესურსის გათავისუფლება რუტინული ტექნიკური სამუშაოსგან, რაც უკავშირდება მონაცემების პერიოდულ შეკრებას და დამუშავებას. მენეჯმენტს ეძლევა შესაძლებლობა კომპანია მართოს მონაცემებზე დაყრდნობით (data-driven company) და მიაღწიოს კონკურენტულ უპირატესობას სხვადასხვა მიმართულებით:

1. კლიენტების სურვილების უკეთ გაგება, მომხმარებელთა ლოიალურობის ზრდა და შედეგად გაყიდვების ზრდა
2. ხარჯების დაზოგვის პოტენციური რეზერვების იდენტიფიცირება და ხარჯების ოპტიმიზაცია
3. სხვადასხვა საოპერაციო პროცესში წარმადობის და ეფექტურობის ზრდა
4. პოტენციური რისკების დროული იდენტიფიკაცია და მათი დადგომის ალბათობის და ზიანის შემცირება.