პროცესების რობოტიზაცია

ორგანიზაციაში, ერთ- ერთი ყველაზე განხილვადი და მთავარი საკითხია, თუ როგორ უნდა შემცირდეს ხარჯები და გაიზარდოს მუშაობის პროდუქტიულობა. უახლოესი, 2020 წლის კვლევების თანახმად RPA, არის ამ საკითხის გადაჭრის ყველზე ხელსაყრელი საშუალება, რადგან სწორედ RPA რობოტებს შეუძლიათ კომპანიის ხარჯების შემცირება. ამავდროულად, გრძელვადიან პერიოდში RPA -ის მეშვეობით შესრულებული სამუშაოს ხარჯი ბევრად უფრო ნაკლებია, ვიდრე სრულ განაკვეთზე მომუშავე თანამშრომლისთვის გასაწევი ანაზღაურება.

ადამიანური რესურსი არის კომპანიის ერთ - ერთი ყველაზე მნიშვნელოვანი მაცოცხლებელი ძალა. იმისათვის რომ ეს ძალა იყოს მეტად პროდუქტიული, საჭიროა გამოვავლინოთ ავტომატიზაციის შესაბამისი პროცესები ანუ ის რუტინული საქმე, რისი გაკეთებაც არ მოითხოვს შემოქმედებით აზროვნებას რობოტებმაც შეიძლება შეითავსონ. RPA არის სწორედ ის მექანიზმი, რომელიც ანაცვლებს ადამიანურ ძალას და აკეთებს იგივე საქმეს ბევრად ნაკლებ დროში. შესაბამისად, თანამშრომელთა რესურსი ხმარდება სხვა მნიშვნელოვან საკითხებს კომპანიაში, რაც გრძელვადიან პერსპექტივაში უპირობოდ არის კომპანიის წარმატების გარანტი.

არაეფექტური და გაუმართავი პროცესები, კომპანიაში იწვევს განმეორებად მუშობას. განმეორებადი მუშაობა კი კომპანიის დროის მენეჯმენტისთვის სავალალო შედეგების გამომწვევიც შეიძლება იყოს. სანამ ავტომატიზაციას დავიწყებდეთ აუცილებელია პროცესების გაანალიზება და მათ შორის ავტომატიზაციისთვის ყველაზე ხელსაყრელის გამოვლენა, რაშიც პროცეს მაინინგი გვეხმარება. შემდეგ ეტაპზე საჭიროა გამოვლენილი პროცესის ოპტიმიზაცია, დასტანდარტება და ამის შემდეგ უკვე ავტომატიზაცია.

რამდენად გამოცდილი და კვალიფიციურიც არ უნდა იყოს თანამშრომელი კომპანიაში, ყველა ვთანხმდებით იმაზე, რომ შეუძლებელია მას ჰქონდეს სრულყოფილი ცოდნა; ადამიანური ფაქტორებიდან გამომდინარე არ  არის გამორიცხული, მას მექანიკურად გამორჩეს ან გადაავიწყდეს ის მნიშვნელოვანი დეტალები, რაც შეიძლება გადამწყვეტიც იყოს კომპანიისთვის. RPA ამისგან სრულიად გვაზღვევს, რადგან რობოტები ფაქტობრივად ნულოვან დონემდე ამცირებენ შეცდომების დაშვების ალბათობას.